Մարդը, լինելով բնության մի մաս, պետք է որ ներըմբռնողաբար զգար, թե ինչն
է բարերար կերպով, իսկ ինչը՝ կործանարար ազդում իր շուրջը գոյություն
ունեցող հիանալի աշխարհի վրա։
Տիեզերական աղետից է սկսել իր գոյությունը մեր աշխարհը, ծագել տիեզերքը։
Այնուհետեւ, հենց մի շարք առավել փոքր, բայց ոչ պակաս աղետալի
իրադարձություններից հետո Երկրի վրա ծնունդ է առել կյանքը, իսկ մի քանի
միլիոն տարի անց՝ նաեւ բանականությունը։
Շուրջ 100 միլիոն տարի մեր մոլորակը ձեւավորվել է աստղակերպերի եւ
երկնաքարերի դաժան գնդակոծության տակ։ Եվ թեպետ այդ ժամանակամիջոցը
մարդուն հսկայական է թվում, սակայն մայր-Երկրի համար, որն ունի 4-5
միլիարդ տարվա պատկառելի տարիք, դա ընդամենը փոքր ժամանակային
տարածություն է։
Աշխարհի օդերեւութաբանական ոլորտի գիտնականների մեծամասնությունը
գիտական աշխատություններում նշում էր, որ կլիմայի համընդհանուր
փոփոխությունն ուղեկցվելու է բնական աղետների աճով։ Այդ կանխատեսումը շատ
մեծ ճշտությամբ 2004-ին արդարացավ նաեւ մեր հանրապետությունում։
Վերլուծություն
