ԿԱՌՈՒՑՎԱԾՔԸ

"Արտակարգ ալիք" լրատվական կենտրոն

1. "Արտակարգ ալիք" լրատվական գործակալություն
2. "Արտակարգ ալիք" ինտերնետային կայք
3. "Արտակարգ ալիք" հեռուստառադիոընկերություն
4. "Արտակարգ թերթ" շաբաթաթերթ
5. "Արտակարգ ալիք" ուսումնական կենտրոն

1.Լրատվական գործակալությունն այսօր ապահովում է հուսալի և թարմ տեղեկատվություն՝ Հայաստանում ու աշխարհում տեղի ունեցող արտակարգ իրավիճակների վերաբերյալ: Ամեն առավոտ ՀՀ բոլոր լրատվամիջոցների, գործակալությունների եւ հետաքրքրվող յուրաքանչյուր կազմակերպության էլեկտրոնային փոստով ուղարկվում են օրվա քրոնիկոնն ու կառավարման մարմինների ձեռնարկած քայլերի ու գործողությունների տեղեկագիրը: Տեղեկատվական, ճանաչողական և ուսուցողական նյութերը տեղ են գտնում նաև ոչ պաշտոնական

2. "Արտակարգ ալիք" ինտերնետային կայքում, որն արդեն լավ համարում ունի ոչ միայն լրագրողների շրջանում: Այստեղից հավաստի և օգտակար տեղեկատվություն են քաղում նաև կառավարման մարմիններն ու հասարակական կազմակերպությունները:  Սորոսի հիմնադրամի աջակցությամբ ստեղծված www.emergency.am-ը հնարավորություն ընձեռեց ստեղծել նաեւ պաշտոնական www.ema.am կայքը:

3. "Արտակարգ ալիք" հեռուստառադիոընկերությունը 1997 թվականի փետրվարից ազգային հեռուստատեսությամբ հեռարձակում էր իր հաղորդումները մինչև 1999 թիվը՝ շաբաթը մեկ անգամ, 1999-ից 2002 թիվը շաբաթը հինգ անգամ հաճախականությամբ: Նրա պատրաստած հաղորդումներն ու տեսաֆիլմերը ցուցադրվել են հանրապետության  բոլոր հեռուստաընկերություններով: Միայն "Արտակարգ ալիքն" ունի վերջին քսան տարիներին հանրապետությունում արձանագրված բոլոր արտակարգ իրավիճակների և անցկացված ուսումնավարժությունների տեսաարխիվը, ինչպես նաև աղետների կառավարման պետական համակարգի ձեռնարկած քայլերի և իրականացրած քաղաքականության ողջ համայնապատկերը: 1999 թվականին ՄԱԿ-ի հայկական գրասենյակը տրամադրել է նկարահանման և մոնտաժային սարքեր, ցուցաբերել ֆինանսական աջակցություն: "Արտակարգ ալիք" հեռուստաընկերությունն իր ֆիլմերով ու հաղորդումներով հայտնի անուն է նաեւ  միջազգային փառատոներում ու մրցույթներում:  Տրամադրված տեխնիկայի ֆիզիկական ու բարոյական մաշվածության եւ ֆինանսական միջոցների անբավարարության պատճառով 2002 թվականից □Արտակարգ ալիքը□ եթերում չէ:

2008 թվականի սեպտեմբերից վերսկսվել է "Արտակարգ ալիք" հաղորդաշարի հեռարձակումը հանրային հեռուստատեսությամբ` համագործակցելով մյուս բոլոր հեռուստաընկերությունների հետ, նաեւ` մարզային:
2008 թվականի սեպտեմբերից հանրային ռադիոյով սկսվել է նաեւ "Արտակարգ ալիք" ռադիոհաղորդաշարի թողարկումը, համագործակցելով նաեւ մյուս ռադիոընկերությունների հետ:

4. 2003 թվականի մայիս ամսից լույս է տեսնում "Արտակարգ թերթ" շաբաթաթերթը, որի գլխավոր նպատակը բնական ու տեխնածին տարաբնույթ աղետներին դիմակայելու` բնակչության ու կառավարման մարմինների պատրաստվածության աստիճանի բարձրացումն է: Այն, իրոք, շրջադարձային երևույթ էր արտակարգ իրավիճակների վերաբերյալ հասարակության իրազեկման եւ ուսուցանելու գործում, որպես հուսալի ու կայուն տեղեկատվական խողովակ: Արտակարգ իրավիճակների կանխարգելման, դրանց հետևանքների նվազեցման պետական բոլոր ծրագրերն ու պլաններն իրենց արտացոլումն են գտնում այդ թերթում: Կառավարման և տեղական ինքնակառավարման մարմիններն այստեղ իրենց հետաքրքրող շատ բան են գտնում ինչպես արտակարգ իրավիճակների, այնպես էլ քաղպաշտպանության և ճգնաժամային կառավարման թեմաներով:  Արտակարգ իրավիճակներում թերթը դառնում է օպերատիվ բյուլետեն, ամբողջական անհրաժեշտ տեղեկատվությամբ՝ սկսած իրադարձության նկարագրությունից մինչև  գործնական խորհուրդները, ընդգրկելով դրանցով զբաղվող մարմինների հասցեներն ու հեռախոսների համարները:

5. Ուսումնական կենտրոնը մշակում է տեղեկատվական քաղաքականություն, կազմում ուսումնական ծրագրեր ու կյանքի կոչում:
Դասընթաց լրատվությունն արտակարգ իրավիճակներում.
Հիմնական գործառույթները

• ճգնաժամային տեղեկատվության կառավարում,
• հասարակայնության հետ կապեր, հանրային իրազեկում,
• կառավարման, տեղական ինքնակառավարման մարմինների եւ բնակչության ուսուցում:
• Հրշեջ-փրկարարների, բժիշկների, այլ արձագանքող կազմակերպությունների ներկայացուցչների ուսուցում եւ վերապատրաստում,
• կառավարման մարմինների, նախարարությունների, գերատեսչությունների, մարզերի ու կազմակերպությունների  մամուլի քարտուղարների եւ լրատվության պատասխանատուների ուսուցում եւ համատեղ պլանների կազմում,
• լրագրողների ուսուցում եւ տեղեկատվական փաթեթի պատրաստում,
• դասընթացների հատուկ կուրս Ճգնաժամային կառավարման պետական ակադեմիայի ուսանողների համար,
• ՀՀ բուհերի ժուռնալիստիկայի ֆակուլտետների ուսանողների համար: