Հրդեհներ


Հունիսի 24-ին ահազանգեր են ստացվել Երեւանի մի շարք խոտածածկ տարածքներում բռնկված հրդեհների մասին, մասնավորապես` Զ. Սարկավագի 14 հասցեում գտնվող թիվ 103 դպրոցի բակում այրվել է 200, Թաիրով 50 հասցեին հարակից տարածքում` 2050, Արաբկիրի 51 փողոցի վերջնամասում` 1000 քմ. մակերեսով խոտ:                   
Նույն օրը ահազանգեր են ստացվել նաեւ Արարատի մարզի Արտաշատ-Վերին Արտաշատ ավտոճանապարհի սկզբնամասում եւ Արմավիրի մարզի Մարգարա-Էջմիածին ավտոճանապարհի 7-րդ կմ-ում բռնկված հրդեհների մասին:
Այրվել է համապատասխանաբար` 5000 եւ 1000 քմ. մակերեսով խոտ:
Դեպքերի վայրեր է մեկնել մեկական մարտական հաշվարկ:
Հրդեհները մեկուսացվել են եւ արագորեն մարվել:


***


Հունիսի 25-ին Լոռու մարզից տեղեկություն է ստացվել, որ ժամը 03.15-ին հրդեհ է բռնկվել Վանաձոր քաղաքի Գր. Լուսավորիչ 47 հասցեում:
Ժամը 03.16-ին դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 03.40-ին, մարվել` ժամը 04.17-ին:
Ամբողջությամբ այրվել են «Վիստ-Վարկո» ՍՊԸ-ին պատկանող առեւտրային կրպակը` 9 քմ., եւ կից կրպակի տանիքը` 2 քմ.
մակերեսներով:


***


Հունիսի 25-ին Սյունիքի մարզից տեղեկություն է ստացվել, որ ժամը 06.55-ին հրդեհ է բռնկվել Կապանի Չարենցի 2 հասցեին հարակից  «Հեքիաթ» սրճարանում:
Ժամը 06.56-ին դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 07.05-ին, մարվել` ժամը 07.10-ին:
Սրճարանի խոհանոցում այրվել է սառնարան:


Վտանգը վնասազերծվել է


Հունիսի 24-ին, ժամը 19.30-ին ահազանգ է ստացվել, որ Վաղարշյան 16/1 շենքի կողային հատվածում ամրացված ծխատար խողովակը կախվել է, եւ վտանգ է ներկայացնում անցորդների համար:
Ժամը 19.35-ին դեպքի վայր է մեկնել փրկարարական ուժերի վարչության հատուկ փրկարար ջոկատի հերթապահ խումբը:
Փրկարարների ուժերով խողովակը ապամոնտաժվել է:


***


Հունիսի 24-ին, ժամը 23.57-ին ահազանգ է ստացվել, որ Չարենցի փողոցի թիվ 123 տանը հարակից սյան վրա փակցված գովազդային վահանակը կախվել է, եւ վտանգ է ներկայացնում անցորդների համար:
Ժամը 24.00-ին դեպքի վայր է մեկնել փրկարարական ուժերի վարչության հատուկ փրկարար ջոկատի հերթապահ խումբը:
Փրկարարների ուժերով վահանակը ապամոնտաժվել է եւ իջեցվել:


Ավտոպատահար


Հունիսի 24-ին, ժամը 21.39-ին ահազանգ է ստացվել, որ Հերացու փողոցի սկզբնամասում տեղի է ունեցել ճանապարհատրանսպորտային պատահար, կան տուժածներ, եւ անհրաժեշտ է փրկարարների օգնությունը:
Ժամը 21.40-ին դեպքի վայր է մեկնել փրկարարական ուժերի վարչության հատուկ փրկարար ջոկատի հերթապահ խումբը:
Դեռեւս չպարզված հանգամանքներում բախվել են «ԲՄՎ» մակնիշի 16 ՍԼ 866 եւ «ՎԱԶ-2106» մակնիշի 63 ՍՏ 132 պետհամարանիշների ավտոմեքենաները, ինչի հետեւանքով «ՎԱԶ-2106» մակնիշի ավտոմեքենայի վարորդը տեղում զոհվել է:
Մինչև փրկարարների` կանչի վայր հասնելը, ավտոմեքենաների երկու ուղեւորները, տարբեր աստիճանի մարմնական վնասվածքներով, «1-03» ծառայության աշխատակիցների կողմից տեղափոխվել են «Գրիգոր Լուսավորիչ» բժշկական կենտրոն:
Ուղեւորներից մեկը մահացել է, իսկ մյուս ուղեւորի` 26-ամյա Վազգեն Մաթեւոսյանի վիճակը գնահատվել է կայուն-ծանր:
Փրկարարները զոհվածի դին դուրս են բերել ավտոմեքենայից և հանձնել շտապօգնության աշխատակիցներին: