Սելավաջրեր


Հունիսի 22-ին, ժամը 09.20-ին Լոռու մարզի Շահումյան գյուղից տեղեկություն է ստացվել, որ սելավաջրերը թուլացրել են գյուղը մայրուղուն միացնող կամրջի հիմնասյուները, եւ առկա է փլուզման վտանգ։
Դեպքի վայր է մեկնել մարզային փրկարարական վարչության օպերատիվ խումբը։ Տեղում պարզվել է, որ գյուղը ունի մայրուղու հետ շրջանցիկ ճանապարհ, փլուզման վտանգ  դեռեւս չկա, սակայն տեւական անձրեւների հետեւանքով առաջացած սելավաջրերը կարող են քանդել կամրջի հիմքերը։
Իրավիճակի մասին տեղյակ է պահվել Վանաձորի քաղաքապետարանի քաղաքաշինության վարչությունը։


Հրդեհներ


Հունիսի 22-ին, Ժամը 09.59-ին ահազանգ է ստացվել, որ հրդեհ է բռնկվել Չարենցավանի քաղաքային աղբանոցում։
Դեպքի վայր է մեկնել Չարենցավան քաղաքի ՀՓՋ-ից մեկ մարտական հաշվարկ։    Հրդեհը մարվել է ժամը 10.40-ին։ Այրվել է  500 քմ. աղբ։
Ժամը 11.29-ին կրկին անգամ ահազանգ է ստացվել, որ հրդեհ է բռնկվել Չարենցավանի քաղաքային աղբանոցում։
Դեպքի վայր է մեկնել մեկ մարտական հաշվարկ։ Հրդեհը մարվել է ժամը 12.10-ին։   Այրվել է  600 քմ. աղբ։


***


Հունիսի 22-ին, ժամը 14.15-ին ահազանգ է ստացվել, որ հրդեհ է բռնկվել Արարատի մարզի Սայաթ-Նովա գյուղում։
Դեպքի վայր է մեկնել Մասիս քաղաքի ՀՓՋ-ից մեկ մարտական հաշվարկ։ Հրդեհը մարվել է ժամը 14.55-ին
Այրվել է Ռ. Սարգսյանին պատկանող ցորենի արտը` 1000 քմ. մակերեսով։


***


Հունիսի 22-ին, ժամը 15.31-ին ահազանգ է ստացվել, որ հրդեհ է բռնկվել Գյումրի քաղաքի Շահումյան փողոցի թիվ 58 տանը հարակից տարածքում։
Դեպքի վայր է մեկնել Գյումրի քաղաքի թիվ 1 ՀՓՋ-ից մեկ մարտական հաշվարկ։ Հրդեհը մարվել է ժամը 16.00-ին։
Այրվել են Ա. Ստեփանյանին պատկանող օժանդակ կառույցի առաստաղը` 8 քմ. մակերեսով, տնտեսական իրեր  եւ 7 էլ. հաշվիչ։


Դեղորայքային թունավորում


Հունիսի 22-ին շտապօգնության ծառայությունից տեղեկություն է ստացվել, որ ժամը 15.35-ին դեղորայքային թունավորումով «Սուրբ Աստվածամայր» բժշկական կենտրոն է տեղափոխվել Երեւանի Զ. Անդրանիկի փողոցի թիվ 138 շենքի բնակիչ, 2009 թ. ծնված Արեւիկ Միքայելյանը։
Ըստ բժիշկների` երեխայի վիճակը միջին ծանրության է։