Ինքնասպան է եղել


Հունիսի 18-ին, ժամը 11.50-ին ահազանգ է ստացվել, որ Վանաձոր քաղաքի Ներսիսյան փակուղի 7/44 հասցեի բնակիչը չի
արձագանքում դռան եւ հեռախոսի զանգերին, եւ դուռը բացելու համար անհրաժեշտ է փրկարարների օգնությունը:
ժամը 11.53-ին դեպքի վայր մեկնած` Լոռու մարզային փրկարարական վարչության փրկարարների ուժերով բացվել է նշված բնակարանի դուռը. լոգարանում հայտնաբերվել է կախվելու միջոցով ինքնասպան եղած 28-ամյա Վահե Գյոզալյանի դին:
Վ. Գյոզալյանի դին հանձնվել է իրավապահ մարմիններին:


Հրդեհներ


Հունիսի 18-20-ը ահազանգեր են ստացվել Երեւանի Բաբաջանյան փողոցում գտնվող թիվ 170 դպրոցին եւ Արշակունյաց 135 հասցեին հարակից տարածքներում բռնկված հրդեհների մասին:
Այրվել է 400-ական քմ. մակերեսով խոտածածկ տարածք:
Նմանատիպ այլ ահազանգերի համաձայն` Արմավիրի մարզի Էջմիածին քաղաքի Զվարթնոց թաղամասում եւ Էջմիածին-Ոսկեհատ ավտոճանապարհի 5-րդ կմ-ում այրվել են 400-ական քմ. խոտ, Սյունիքի մարզի Ագարակ քաղաքի Պղնձամոլիբդենային կոմբինատին հարակից տարածքում` 3 հա չոր խոտ եւ թփուտ:
Դեպքերի վայրեր է մեկնել մեկական մարտական հաշվարկ:
Հրդեհները մեկուսացվել են եւ արագորեն` մարվել:


Թունավորում


Հունիսի 18-ին Վայոց ձորի մարզից տեղեկություն է ստացվել, որ ժամը 17.00-ին Եղեգնաձորի բուժկենտրոն է տեղափոխվել նույն քաղաքի բնակիչ, 74-ամյա Բախշի Հունանյանը. ախտորոշվել է էկզոգեն թունավորում եւ տուժածը տեղափոխվել է Երեւանի “Արմենիա” բժշկական կենտրոն:
Ըստ բժիշկների` տուժածի վիճակը գնահատվում է ծայրահեղ ծանր:


Ավտոպատահար


Հունիսի 18-ին, ժամը 17.35-ին Աշտարակի ոստիկանությունից տեղեկություն է ստացվել, որ Արայի լեռան մոտակայքում ավտոմեքենան ընկել է ջրանցքը, կան տուժածներ, եւ անհրաժեշտ է փրկարարների օգնությունը:
Ժամը 17.37-ին դեպքի վայր են մեկնել մեկ մարտական հաշվարկ եւ Արագածոտնի մարզային փրկարարական վարչության փրկարար ջոկատը:
Դեռեւս չպարզված հանգամանքներում` “ՎԱԶ-2106” մակնիշի 21 ՕՕ 747 պետհամարանիշի ավտոմեքենան դուրս է եկել ճանապարհի երթեւեկելի մասից եւ ընկել ջրանցքը, ինչի հետեւանքով ուղեւոր, Աշտարակ քաղաքի բնակչուհի, 16-ամյա Գրետա Մակեյանը տեղում զոհվել է, իսկ Օհանավան  գյուղի բնակիչներ` վարորդ, 29-ամյա Վարդան Վահանյանը եւ ուղեւոր, 24-ամյա Ռոման Մխիթարյանը, տարբեր աստիճանի մարմնական վնասվածքներով տեղափոխվել են Աշտարակի հիվանդանոց:
Փրկարարների ուժերով ավտոմեքենայից դուրս է բերվել . Մակեյանի դին եւ հանձնվել շտապօգնության բրիգադին:
Ըստ բժիշկների` Վ. Վահանյանի եւ Ռ. Մխիթարյանի վիճակը գնահատվում է ծանր:


Հորդառատ անձրեւ


Հունիսի 18-ին, ժամը 17.50-ին ահազանգ է ստացվել, որ Գյումրիում տեղացած հորդառատ անձրեւի հետեւանքով քաղաքի գետակը վարարել է, լցվել ափամերձ տնակները, եւ մարդիկ չեն կարողանում դուրս գալ:
Ժամը 17.53-ին դեպքի վայր է մեկնել Շիրակի մարզային փրկարարական վարչության փրկարար ջոկատի հերթապահ խումբը:
Փրկարարների ուժերով թիվ 104/355 տնակից դուրս է բերվել եւ անվտանգ տարածք տեղափոխվել անկողնային հիվանդ, 73-ամյա Օֆելյա Անուշյանը:
Ժամը 21.30-ին ստացված մեկ այլ ահազանգի համաձայն` անձրեւի հետեւանքով ջրալցվել է Գյումրիի ավտոկայանի տարածքի թիվ 104/689 տնակը:
Դեպքի վայր մեկնած փրկարարների օգնությամբ 1-03 ծառայության աշխատակիցները մտել են տնակ եւ առաջին բուժօգնություն տրամադրել անկողնային հիվանդ, 69-ամյա Սինար Մսրյանին:


Ավտոպատահար


Հունիսի 19-ին, ժամը 01.10-ին ահազանգ է ստացվել, որ ավտոպատահար է տեղի ունեցել Ստեփանավան քաղաքի Հարությունյան եւ Բաղրամյան փողոցների խաչմերուկում, կան տուժածներ, եւ անհրաժեշտ է փրկարարների օգնությունը:
ժամը 01.12-ին դեպքի վայր է մեկնել Լոռու մարզային փրկարարական վարչության փրկարար ջոկատը:
Դեռեւս չպարզված հանգամանքներում` “Ֆորդ” մակնիշի LIG 147 պետհամարանիշի ավտոմեքենան բախվել է ճամփեզրի ծառին, ինչի հետեւանքով Ստեփանավանի բնակիչներ` վարորդ, 26-ամյա Վահե Այվազյանը, ուղեւորներ` 18-ամյա Արթուր Ղարիբյանը եւ 24-ամյա Հովհաննես Թումանյանը, ստացել են տարբեր աստիճանի մարմնական վնասվածքներ:
Մինչ փրկարարների` դեպքի վայր հասնելը, Վ. Այվազյանը եւ Ա. Ղարիբյանը տեղի ուժերով դուրս են բերվել ավտոմեքենայից եւ տեղափոխվել  Ստեփանավանի հիվանդանոց:
Փրկարարների ուժերով ավտոմեքենայից դուրս է բերվել Հ. Թումանյանը եւ հանձնվել շտապօգնության բրիգադին:
Հիվանդանոցի ճանապարհին Վ. Այվազյանը եւ Հ. Թումանյանը մահացել են:
Ըստ բժիշկների` Ա.Ղարիբյանի վիճակը գնահատվում է կայուն ծանր. տուժածի կյանքին վտանգ չի սպառնում:


Ավտոպատահար


Հունիսի 19-ին, ժամը 01.59-ին ահազանգ է ստացվել, որ Երեւանի Անդրանիկի եւ Րաֆֆու փողոցների խաչմերուկում տեղի է ունեցել ճանապարհատրասպորտային պատահար, եւ անհրաժեշտ է փրկարարների օգնությունը:
Ժամը 02.00-ին դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:
Դեռեւս չպարզված հանգամանքներում` “Մոսկվիչ” մակնիշի 12 ՍԼ 004 պետհամարանիշի ավտոմեքենան դուրս է եկել ճանապարհի երթեւեկելի մասից եւ բախվել օղակաձեւ խաչմերուկի սյունաշարին, ինչի հետեւանքով վարորդը տարբեր աստիճանի մարմնական վնասվածքներ է ստացել:
Մինչ փրկարարների` դեպքի վայր հասնելը, շտապօգնության բրիգադի կողմից ավտոմեքենայից դուրս է բերվել Արմավիրի մարզի Արագած գյուղի բնակիչ, 29-ամյա Սեդրակ Հովհաննիսյանը եւ տեղափոխվել Երեւանի “Մալաթիա” բժշկական կենտրոն:
Հիվանդանոցի ճանապարհին Ս. Հովհաննիսյանը մահացել է:


Նետվել է կամրջից


Հունիսի 19-ին, ժամը 05.40-ին 1-03 ծառայությունից ահազանգ է ստացվել, որ Գյումրի քաղաքի Ալեք Մանուկյան փողոցի կամրջից մարդ է նետվել, ընկել կամրջի տակ գտնվող տնակի տանիքին, եւ անհրաժեշտ է փրկարարների օգնությունը:
Ժամը 05.45-ին դեպքի վայր է մեկնել Շիրակի մարզային փրկարարական վարչության փրկարար ջոկատի հերթապահ խումբը:
Ժամը 06.20-ին փրկարարները տանիքից իջեցրել են Գյումրի քաղաքի բնակչուհի, 25-ամյա Կարինե Ավդալյանին եւ հանձնել
շտապօգնության բրիգադին:
Կ. Ավդալյանը  տեղափոխվել է Գյումրիի Գյուլպենկյան հիվանդանոց:
Նախնական տվյալներով` տուժածն ստացել է ողնաշարի վնասվածք: