Հրդեհներ  


Ապրիլի 27-ին, ժամը 13.57-ին անձը չպարզված քաղաքացուց ահազանգ է ստացվել, որ հրդեհ է բռնկվել Երեւանի Հրաչյա Քոչար փողոցի 20-րդ շենքի նկուղում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 14.15-ին, մարվել` ժամը 14.33-ին:
Այրվել է 25 քմ մակերեսով աղբ:


***


Ապրիլի 27-ին, ժամը 17.20-ին ահազանգ է ստացվել, որ հրդեհ է բռնկվել Երեւանի Արարատյան 2-րդ զանգված 6/46 հասցեում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 17.43-ին, մարվել` ժամը 17.48-ին:
Այրվել է Աստղիկ Հովակիմյանի բնակարանի մանրահատակը եւ կահույքը` 8 քմ մակերեսով:


***


Գեղարքունիքի մարզից տեղեկություն է ստացվել, որ ապրիլի 27-ին, ժամը 22.00-ին հրդեհ է բռնկվել մարզի Ակունք գյուղում:
Ժամը 22.02-ին դեպքի վայր է մեկնել Վարդենիսից մեկ մարտական հաշվարկ:
Հրդեհը մեկուսացվել է ժամը 22.20-ին, մարվել` ժամը 23.50-ին:
Այրվել է Մնացական Յասրյանին պատկանող ավտոտնակի տանիքը` 3 քմ մակերեսով, պահեստավորված 5 անվադող եւ 8 խմ աթար:


Քամու վնասները


Ապրիլի 27-ին, ժամը 17.18-ին ահազանգ է ստացվել, որ քամու հետեւանքով Երեւանի Եզնիկ Կողբացու փողոցի 49-րդ շենքի տանիքից թիթեղ է կախվել, եւ կա ընկնելու վտանգ:
Դեպքի վայր է մեկնել հատուկ փրկարարական ջոկատի հերթապահ խումբը:
Փրկարարների ուժերով թիթեղն ապամոնտաժվել է եւ իջեցվել անվտանգ տարածք:


Թունավորում


Ապրիլի 27-ին Ստեփանավան քաղաքի հիվանդանոցից տեղեկություն է ստացվել, որ ժամը 21.00-ին դեղորայքային թունավորումով իրենց մոտ է տեղափոխվել նույն քաղաքի Աշոտաբերդ 16/13 հասցեի բնակիչ, 3-ամյա Վազգեն Մխիթարյանը:
Տուժածի վիճակը բժիշկների կողմից գնահատվել է միջին ծանրության: