Պատահար Դեբեդում


Նոյեմբերի 27-ին, ժամը 10.30-ին Լոռու մարզի Թումանյանի ոստիկանության բաժնից ահազանգ է ստացվել, որ նոյեմբերի 26-ին, ժամը 20.30-ի սահմաններում "Ճոճվող" կամրջից (Ախթալա գյուղի տարածքում) մարդ է ընկել Դեբետ գետը, եւ անհրաժեշտ է փրկարարների օգնությունը` որոնողական աշխատանքներ իրականացնելու համար։
Ժամը 10.40-ին դեպքի վայր է մեկնել մարզային փրկարարական ջոկատը։
Ժամը 17.50-ի սահմաններում Նեղոց եւ Շնող գյուղերի սահմանային հատվածում` գետում հայտնաբերվել է ՌԴ Ստավրոպոլ քաղաքի բնակիչ, 1959 թ. ծնված Բորիս Գեւորգյանի դին։
Փրկարարների ուժերով դին դուրս է բերվել գետից եւ հանձնվել իրավապահ մարմիններին։


Հրդեհ Աշոցքում


Նոյեմբերի 27-ին Շիրակի մարզից տեղեկություն է ստացվել, որ ժամը 15.05-ին հրդեհ է բռնկվել Աշոցք գյուղում։
Դեպքի վայր է մեկնել մեկ մարտական հաշվարկ։
Հրդեհը մեկուսացվել է ժամը 16.05-ին, մարվել` ժամը 18.15-ին։
Այրվել է Ա. Հովհաննիսյանին պատկանող տան բակում պահեստավորված 3 տոննա խոտը։


Այրվել է ավտոմեքենա


Նոյեմբերի 27-ին, ժամը 21.04-ին անձը չպարզված քաղաքացուց ահազանգ է ստացվել, որ հրդեհ է բռնկվել Արմավիր-Մեծամոր ավտոճանապարհի 7-րդ կմ-ում։
Դեպքի վայր է մեկնել մեկ մարտական հաշվարկ։
Հրդեհը մեկուսացվել է ժամը 21.20-ին, մարվել` ժամը 21.30-ին։
Ամբողջությամբ այրվել է Ա. Գրեյանին պատկանող "ԳԱԶել" մակնիշի 0550 Լ պետհամարանիշի մարդատար ավտոմեքենան։
Տուժածներ չկան։


Այրվել է աղբ


Նոյեմբերի 28-ին ժամը 01.39-ին ահազանգ է ստացվել, որ հրդեհ է բռնկվել Երեւանի Զ.Անդրանիկի 48 հասցեում։
Դեպքի վայր է մեկնել մեկ մարտական հաշվարկ։։
Հրդեհը մեկուսացվել է ժամը 01.54-ին, մարվել` ժամը 02.12-ին։
Շենքի աղբատարի հորանում այրվել է աղբ` 8 քմ մակերեսով։