ՀԱՅ   ENG   RUS   Կայքի կառուցվածք Հետադարձ կապ

Որոնում

Որոնում

Գրանցվել

Նորություններին
բաժանորդագրվելու համար
գրանցեք Ձեր էլ-փոստը:

Ձեր էլ-փոստը

Եղանակը Երևանում

Ռադիոակտվիություն mc/R/h
Հարաբերական խոնավություն
Մթնոլորտային ճնշում մմ
Գեոմագնիսական դաշտ
ԵՐԵՎԱՆ
Գիշեր Ցերեկ
C C
www.meteo.am

Շաբաթվա իրադարձությունը

Հաիթիում վերջին մի քանի օրերին գրանցվել են նոր ստորգետնյա ցնցումներ

Շաբաթ օրվանից փրկարարական աշխատանքներն իրոք միջազգային ծավալ են ստացել: Սակայն երկրի հումանիտար իրավիճակի վրա դա այնքան էլ չի արտահայտվել: Չնայած նրան, որ ԱՄՆ Ռազմաօդային ուժերի ինքնաթռիները տեղի օդանավակայան են իջնում գրեթե կես ժամը մեկ, տուժածներին առաջին անհրաժեշտության իրերը, եթե նույնիսկ անցնում են, ապա շատ անկազմակերպ:

Քաղաքում դեռեւս էլեկտրաէներգիա չկա: Ջուրը` մեծ տարաներով սկսել են բերել միայն շաբաթ օրը: Տեղացիներին, որոնք  անկանոն ճամբարներ են խփել ծառերի ճյուղերից ու հագուստի մնացորդներից, փրկում են միայն ստորգետնյա ջրերի հոսանքները:

Այդ ջրից, որի որակի մասին կարելի է միայն ենթադրություններ անել, նրանք սնունդ են պատրաստում: Մարդասիրական օգնության  դրոշմներով պարկերը նկատվում են միայն թալանչինեերի ամբոխի ձեռքերում:

Հուսահատ մարդիկ հարձակվել են հումանիտար քարավանի վրա, որն ուղեւորվում էր այսպես կոչված “կարմիր գոտի”: Փրկարարներն աշխատում են Պակիստանի “կապույտ բերետավորների” հսկողության տակ: Նրանց աշխատանքն ավարտվում է 18:00-ին, այդ պատճառով էլ որոնողական աշխատանքները ստիպված տեւում են մինչեւ այդ ժամը:

Կան նաեւ  լրիվ վտանգավոր տարածքներ, որտեղ մուտք չի գործել ոչ մի միջազգային կազմակերպություն, եւ  աղետի ծավալների մասին կարելի է դատել միայն ուղղաթիռից: Այնտեղից անընդհատ կրակոցների ձայներ են լսվում:

Բժիշկներն առնչվում են բազմաթիվ խնդիրների հետ. Վիրահատվածներին պետք է  տեղափոխել հիվանդանոցներ, սակայն ՄԱԿ-ի պահեստներն արդեն լիքն են, իսկ Կարմիչ Խաչը դեռ չի բացել իր շարժական հոսպիտալները:

Հաիթիի 2 միլիոնանոց մայրաքաղաք Պորտ-օ-Պրենսեն լրիվ ավերվել է: Դպրոցները, հիվանդանոցներն ու վարչական շենքերի մեծ մասը փլվել է: Թե ինչքան մարդ է մնացել փլատակներում, ոչ ոք չգիտի: Փրկարարական աշխատանքներին խոչնդոտում է տեխնիկայի բացակայությունը:

Փրկարարների հիմնական թշնամին հիմա ժամանակն է: Ողջ մնացածներին գտնելու հույսերը փոքրանում են ժամ առ ժամ: Շատ տուժածների փրկելու շանսերը նույնպես քիչ են: Պորտ-օ-Պրենսեում շրջում են թալանչիները:

Չի բավականացնում խմելու ջուրը, մթերքներն ու դեղամիջոցները: Ծարավից մեռնելու վտանգը գնալով իրական է դառնում:
Տեղական իշխանությունները լրիվ անգործության են մատնված: Դրանից մարդիկ գնալով չարանում ու հուսալքվում են: Որպես բողոքի նշան, նրանք դիակներից բարիկադներ են կառուցում:

Այդ նույն ժամանակ, Ֆրանսիայի նախագահ Նիկոլյա Սարկոզին հայտարարել է այն մասին, որ ԱՄն-ի, Բրազիլիայի, Կանադայի ու մի շարք այլ երկրների ղեկավարներ մտադիր են կոնֆերանս հրավիրել` Հաիթիի վերականգնման վերաբերյալ: ԱՄՆ-ում արդեն Հաիթիի օգնության ֆոնդ է բացվել, որի հաշվին արդեն 100 միլիոն դոլար է փոխանցվել: Նույնքան գումար տրամադրել են Միջազգային վալյուտային ֆոնդը եւ Համաշխարհային բանկը:


Հաիթիում հողին են հանձնել առաջին յոթ հազար զոհերին


Հաիթիի Կարմիր խաչի հրապարակած տվյալների համաձայն, ավերիչ երկրաշարժի զոհերի նախնական թիվը մոտ 50 000 է: Մինչդեռ երկրի կառավարության ներկայացուցիչների կարծիքով, զոհվածների թիվը կարող է հասնել 500 հազարի: Տուժածների ընդհանուր թիվը 3 մլն է:

Երեկ տեղի են ունեցել հոգեհանգստի արարողություններ, հողին են հանձնել առաջին յոթ հազար զոհերին: Նրանք թաղվել են եղբայրական գերեզմանում, հայտնել է երկրի նախագահ Ռենե Պրեվալը:

Ավերածությունների մասշտաբով այս երկրաշարժը կարող է դառնալ պատմության ամենասարսափելի աղետներից մեկը: Երկու միլիոն մարդ մնացել է անօթեւան: Շարունակվում են փլատակներում մնացածների որոնումները, տեղական իշխանությունները սպասում են արտասահմանյան երկրների օգնությանը:

Արդեն մի քանի օր է շարունակվում են մարդկանց տառապանքները: Մայրաքաղաք Պորտ-ո-Պրենսը լրիվ ավերվել է: Աշխարհի այս աղքատ երկրում տները կառուցվել էին շինարարական նորմերի եւ օրենքների խախտումներով: Բացառություն չէին նույնիսկ նախագահական պալատը, ինչպես նաեւ ՄԱԿ-ի առաքելության շենքը: Ավերվել են բոլոր դպրոցները, հիվանդանոցները եւ բանտը, որտեղից բոլորը փախել են: 

Այժմ մայրաքաղաքում քաոս է. կապի բացակայության պատճառով իշխանություններն ի վիճակի չեն կազմակերպել փրկարարական աշխատանքները, փլատակները խցանել են փողոցները, Մթերքների, դեղորայքի եւ խմելու ջրի սուր պակաս է զգացվում:

Չի բարարում նաեւ փրկարարական տեխնիկան. Փրկարարները հաճախ ստիպված են ձեռքերով փորել փլատակները: Բախեբախտաբար չի տուժել Հաիթիի օդանավակայանը: Այստեղ մեկը մյուսի հետեւից իջնում են աշխարհի տարբեր ծայրերից ժամանող ինքնաթիռները, որոնք դեղորայք եւ այլ օգնություն են հասցնում աղետի գոտի:


Օգնությունն աշխարհից Հաիթի է հասնում մեծ դժվարությամբ

Օգնության ժամանումը դժվարանում է նրանով, որ Հաիթիի օդանավակայնում արդեն տեղ չկա: Բացի այդ, ինքնաթիռները չեն կարողանում ետ վերադառնալ` ավիացիոն վառելիքի բացակայության պատճառով:

Մեքսիկացի փրկարարների խոսքերով, Պորտճո-Պրենսի օդանավակայանում փլվել է աշտարակը: Անջատվել է էլեկտրաէներգիան:

ԱՄՆ պետքարտուղար Ֆիլիպ Կրուլիի խոսքերով, որոնողափրկարարական աշխատանքներում ներգրավված են ութ փրկարարական խմբեր` 260 մարդ, մասնավորապես ԱՄՆ-ից, Իսլանդիայից, Իսպանիայից ու Չիլիից:

Կոլումբիան տուժած երկիր է ուղարկել զինված ուժերի մեկ ինքնաթիռ` փրկարարներով, բժիշկներով, արտակարգ իրավիճակների մասնագետներով, ինչպես նաեւ 2600 կգ մարդասիրական օգնությամբ: 

“Բժիշկներ առանց սահմանի” մարդասիրական կազմակերպությունը Հաիթի կուղարկի 100 տեղանոց դաշտային հոսպիտալ: Կազմակերպության` Հաիթիում աշխատող մասնագետները մայրաքաղաքի իրավիճակը անվանում են քաոսային` նշելով, որ Պորտ-ո-Պրենսն ի վիճակի չէ վերահսկել իրավիճակը:

-Հարյուրավոր մարդիկ քնում են փողոցներում,-ասում է կոորդինատոր Հանս վան Դիլենը, - Մեզ մոտ են գալիս տուժածներ բաց կոտրվածքներով ու գանգի վնասվածքներով:

Կարմիր ԽաչիՄիջազգային Կոմիտեն հայտարարել է, որ մոտակա ժամանակներս Ժնեւից Հաիթի կմեկնի երկու ինքնաթիռ, որոնք կտեղափոխեն ինժեներների, վիաբույժների, մարդասիրական օգնության տրամադրման փորձագետների, ինչպես նաեւ 40 տոննա մարդասիրական օգնություն:

Առողջապահության համաշխարհային կազմակերպությունը տեղեկացրել է, որ Հաիթի է ուղարկում ոլորտի 12  մասնագետ:

Էլեկտրակապի համաշխարհային միությունը հայտնել է, որ անհապաղ Հաիթի է ուղարկում 40 արբանյակային տերմինալ` կապի բազային ալիքները վերականգնելու համար: Դրանց կհաջորդեն եւս 60 նմանատիպ սարքավորումներ:

Հաիթին օգնություն է ստանում տառացիորեն ամբողջ աշխարհից` Ռուսաստանից, ԱՄՆ-ից, Կանադայից, Չինաստանից, Եվրամիության երկրներից, Նորվեգիայից, Իսլանդիայից, Իսրայելից, Հնդկաստանից, Նոր Զելանդիայից, Իրանից, Քուվեյթից, Աֆրիկայից եւ այլն:


    Սկիզբ  

Մեր ծրագրերը

Նոյի ուղերձը

Ով իրազեկված է, նա պաշտպանված է

 

Գործընկերներ

Տեսահոլովակներ

Նոյի ուղերձը

Արարատյան Դաշտավայր - մարդկության փրկության օրրանը

Երկրաշարժեր

Երկրաշարժեր կլինեն, երբ

Գազի անվտանգություն

Ջրհեղեղներ

Ո՞Ւմ եք առաջինը ահազանգում արտակարգ իրավիճակի դեպքում

2008-11-06

911
948
 
42.99%
102
213
 
9.66%
103
262
 
11.88%
հարեւաններին
362
 
16.42%
հարազատներին
420
 
19.05%
Բոլոր ձայները: 2205

Վեբկայքը`