Ռուսաստանին սահմանակից Հեյլունցզյան գավառի հանքահորում մեթանի պայթյունը տեղի է ունեցել տեղական ժամանկաով 2:30-ին:

Այդ պահին հանքում եղել է 528 հանքափոր: Նրանցից 400-ին հաջողվել է ինքնուրույն դուրս  գալ հորից:

Չինաստանի փոխնախագահը մեկնել է դեպքի վայր` փրկարարական աշխատանքներին հետեւելու համար: Փրկրարաների հետ ուղիղ կապի մեջ են նաեւ երկրի նախագահն ու վարչապետը:

Չնայած Չինաստանի իշխանությունների կողմից հանքահորերում անվտանգության միջոցառումների խստացմանը` վթարներն այստեղ հազվադեպ չեն պատահում:

Միայն անցյալ տարվա ընթացքում երկրի հանքահորերում տեղի ունեցած պատահարների հետեւանքով զոհվել է ավելի քան 3000 հանքափոր:


Շահույթի հետեւից

Վթարային հանքը, որը գտնվում է Խեգան քաղաքի մերձակայքում, պատկանում է պետական “Լոնգմեի մայնինգ” ընկերությանը:

Տուժածների մեծ մասը տեղափոխվել է տեղի հիվանդանոց, որտեղ նրանց օգնություն են ցույց տվել:

Փրկարարների խոսքերով, աշխատանքներին խանգարում են հանքում գազի մեծ կուտակումներն ու փլուզված թունելները:
Պայթյունն, ըստ ամենայնի, տեղի է ունեցել գազի մեծ կուտակման հետեւանքով:

Իշխանությունները հատկապես մտահոգված են, որ դեպքը տեղի է ունեցել պետությանը պատկանող հանքում: Այդ հանքերը մասնավորներից ավելի ապահով են համարվում, որտեղ անվտանգության կանոնները խախտվում են` ծախսերը կրճատելու եւ արտադրողականությունն ավելացնելու համար, ինչն ել հանգեցնում է վթարների:

Իշխանությունները փորձում են պայքարել նման խախտումների դեմ` փակելով ոչ մեծ մասնավոր հանքերը: Վերջերս փակվել է ավելի քան 1000 վտանգավոր հանք, ինչը, ըստ իշխանությունները, թույլ է տվել կրկնակի անգամ կրճատել հանքափորների հետ տեղի ունեցող դժբախտ դեպքերը:

Այնուամենայնիվ, Չինաստանում ամեն օր զոհվում է միջինը 6 հաքափոր,  եւ, ըստ փորձագետների, դեպքերի մեծ մասը թաքցվում է, քանի որ ընկերությունները չեն ցանկանում կորցնել իրենց շահույթները: